Apply in 123 simple steps
Нашите вредности

ЧОВЕКОВИ ПРАВА

Човековите права се заштитени со Повелбата за основните права на Европската унија. Тие ја вклучуваат слободата од дискриминација, заштитата на личните податоци и пристапот до правдата. Секој граѓанин има еднакво право на овие права.

ВЛАДЕЕЊЕ НА ПРАВОТО

ЕУ се темели на владеењето на правото. Сè што прави се засновува на договори доброволно и демократски усогласени од нејзините земји членки. Правото и правдата ги штити независно судство, при што Судот на правдата на ЕУ е конечен авторитет – неговите пресуди се задолжителни за сите земји членки.

ЕДНАКВОСТ

Еднаквоста обезбедува сите граѓани да бидат третирани еднакво пред законот. Таа ја вклучува родовата еднаквост и еднаквите можности во секоја сфера на животот. Овој принцип ја води европската интеграција уште од Римскиот договор.

ДЕМОКРАТИЈА

ЕУ е изградена врз претставничка демократија. Граѓаните имаат право да гласаат и да се кандидираат на изборите за Европскиот парламент, без разлика дали тоа е во нивната земја на потекло или живеење. Политичкото учество е камен-темелник на европското граѓанство.

СЛОБОДА

Слободата ги опфаќа правото на движење, живеење и работа низ целата Унија. Таа исто така ги штити личните слободи, како приватноста, верувањето, собирањето и изразувањето. Овие слободи се гарантирани со Повелбата за основните права на Европската унија.

ЧОВЕЧКО ДОСТОИНСТВО

Човечкото достоинство е темелот на европското општество. Тоа е неповредливо и мора секогаш да биде почитувано и заштитено. Сите основни права произлегуваат од овој принцип.

Покана за консултации за приоритетите на Повикот за доставување предлози „Граѓанско дејствување и отпорност на заедниците“ во рамки на Програмата Механизам на ЕУ за граѓанска отпорност

Механизмот на ЕУ за граѓанска отпорност (EU CRM) – Фаза II: Поддршка на граѓанското општество и граѓанските иницијативи е проект финансиран од Европската унија, кој обезбедува директна поддршка на мали граѓански организации и граѓански иницијативи низ целата Северна Македонија. Проектот им помага на граѓанските организации да создадат значајна промена во своите заедници, особено на оние што работат надвор од поголемите градови и им служат на луѓето кои честопати се оставени на маргините. Водејќи се од основните вредности на Европската унија, EU CRM обезбедува практична, непосредна поддршка на организациите на кои таа најмногу ѝм е потребна.

Првиот повик на EU CRM за доставување предлози за директна поддршка, „Поддршка на младите за економско зајакнување и претприемништво во Кочанскиот регион“, се затвора на 16 ноември 2026 година. Вториот повик на EU CRM за доставување предлози, „Граѓанско дејствување и отпорност на заедниците“, се планира да биде објавен во средината на декември 2026 година.

За таа цел, EU CRM започна серија консултации со граѓанските организации за заеднички да се утврдат приоритетите на овој повик. Процесот на консултации се заснова на пет нацрт-приоритети, подготвени врз основа на научените лекции од Фаза I на EU CRM (линк до Фаза I) и анализата на актуелните потреби во земјата.

За да се обезбеди широко учество на граѓанските организации од целата земја, процесот на консултации ќе комбинира три консултативни средби, една во живо, во Ресурсниот центар за граѓанско општество (РЦГО) во Скопје, и две онлајн, со национален онлајн прашалник. Сите три средби се организираат во соработка со РЦГО.

Граѓанските организации се поканети да придонесат во обликувањето на приоритетите на повикот со учество на консултативните средби и со пополнување на онлајн прашалникот.

Љубезно ве покануваме да учествувате на една од следните консултативни средби:

  • Скопје, 24 ноември 2026 година (11:00–13:00 часот), во живо, во Ресурсниот центар за граѓанско општество: пријавете се на crm-helpdesk@eu4cr.mk најдоцна еден ден пред средбата. Може да присуствуваат најмногу двајца претставници по организација. Доколку ви е потребна поддршка за да учествувате, на пример поради потреби за пристапност, ве молиме известете нè при пријавувањето.
  • Онлајн, 27 ноември 2026 година (11:00–13:00 часот): пријавете се на https://us02web.zoom.us/meeting/register/uZH0iQAjRBGXrX3UpBe_tQ
  • Онлајн, 1 декември 2026 година (11:00–13:00 часот): пријавете се на https://us02web.zoom.us/meeting/register/msPVtQq_RzOxQL-po3weqQ

По пријавувањето за онлајн средба, ќе добиете е-порака за потврда со деталите за приклучување.

Дополнително, љубезно ве покануваме да го пополните и онлајн прашалникот во периодот од 16 ноември до 2 декември 2026 година, до 17:00 часот, на следниот линк: https://docs.google.com/forms/d/e/1FAIpQLSf0e3McAdpu4MWbWCwFSOxY89fK-ifM0GzRoNouymT_6jGXQQ/viewform. Пополнувањето трае околу 10 минути.

Сакаме да слушнеме колку се важни петте нацрт-приоритети за вашата заедница, кои активности ги сметате за најважни во рамки на секој приоритет и дали постојат дополнителни потреби или области на кои треба да се посвети внимание.

Ве молиме, доставете само еден одговор по организација. Учеството во процесот на консултации нема да влијае врз прифатливоста или оценувањето на вашата организација во рамки на повикот.

За сите прашања, ве молиме контактирајте го Хелпдескот на EU CRM на crm-helpdesk@eu4cr.mk.

Однапред ви благодариме за вашиот драгоцен придонес.