Dinjiteti njerëzor është themeli i shoqërisë evropiane. Ai është i paprekshëm dhe duhet respektuar e mbrojtur gjithmonë. Të gjitha të drejtat themelore rrjedhin nga ky parim.
Liria nënkupton të drejtën për të lëvizur, jetuar dhe punuar në të gjithë Bashkimin. Ajo mbron gjithashtu liritë personale, si privatësinë, besimin, tubimin dhe shprehjen. Këto liri garantohen nga Karta e të Drejtave Themelore e BE-së.
BE-ja është ndërtuar mbi demokracinë përfaqësuese. Qytetarët kanë të drejtën të votojnë dhe të kandidojnë në zgjedhjet për Parlamentin Evropian, qoftë në vendin e tyre të origjinës apo të banimit. Pjesëmarrja politike është një gur themeli i qytetarisë evropiane.
Barazia siguron që të gjithë qytetarët të trajtohen njësoj përpara ligjit. Ajo përfshin barazinë gjinore dhe mundësi të barabarta në çdo fushë të jetës. Ky parim ka udhëhequr integrimin evropian që nga Traktati i Romës.
BE-ja bazohet në shtetin e së drejtës. Çdo veprim i saj mbështetet në traktate të miratuara vullnetarisht dhe në mënyrë demokratike nga shtetet e saj anëtare. Ligji dhe drejtësia mbrohen nga një gjyqësor i pavarur, me Gjykatën e Drejtësisë të Bashkimit Evropian si autoritetin final — vendimet e së cilës janë të detyrueshme për të gjitha shtetet anëtare.
Të drejtat e njeriut mbrohen nga Karta e të Drejtave Themelore e BE-së. Këto përfshijnë mbrojtjen nga diskriminimi, mbrojtjen e të dhënave personale dhe aksesin në drejtësi. Çdo qytetar gëzon këto të drejta në mënyrë të barabartë.
Jo. Përveç dokumenteve mbështetëse të renditura në seksionin 3.1, nuk duhet të dërgohen anekse të tjera. Rezultatet e përmbledhura mund të përshkruhen në seksionin 3.2 të Formularit të Aplikimit, brenda kufirit të fjalëve. Pyetësori dhe rezultatet mbeten në dokumentacionin e vetë aplikantit.
Udhëzimet për Aplikantët: seksioni 3 (Si të aplikoni) dhe seksioni 3.1 (Dokumentet mbështetëse të kërkuara); Aneksi A – Formulari i Aplikimit, seksioni 3.2.
Në fazën e aplikimit nuk kërkohen emra. Nëse personat nuk dihen ende, përshkruani në Formularin e Aplikimit rolin e secilit pozicion, si dhe kualifikimet dhe përvojën e kërkuar. Nëse ata dihen tashmë, për shembull anëtarë të organizatës, mund t’i përmendni me emër dhe të përshkruani përvojën e tyre.
Për koordinatorin dhe asistentin e projektit nuk nevojitet thirrje. Organizata juaj i angazhon ata drejtpërdrejt me kontratë, pasi të jetë nënshkruar Kontrata për Mbështetje në Natyrë. Ekspertët dhe trajnerët/mentorët përzgjidhen përmes një procedure të veçantë, e cila u shpjegohet organizatave të përzgjedhura.
Udhëzimet për Aplikantët: seksioni 2.3 (Kompensimi për ekipin e Veprimit; Kontraktimi pa efekt prapaveprues) dhe seksioni 4.2 (nënkriteri 1.1).
Deklarata e Aplikantit nuk është dokument më vete. Ajo është pjesë e Formularit të Aplikimit (Aneksi A) dhe gjendet në fund të formularit.
Ajo nënshkruhet dhe vuloset nga përfaqësuesi ligjor i organizatës. Mund të nënshkruhet me dorë, të vuloset dhe të skanohet, ose të nënshkruhet me nënshkrim elektronik të kualifikuar.
Udhëzimet për Aplikantët: seksioni 3 (Si të aplikoni) dhe seksioni 4.1 (Kontrolli i përputhshmërisë administrative dhe i përshtatshmërisë); Aneksi A – Formulari i Aplikimit, Deklarata e Aplikantit.
Po. Rregullat që zbatohen për aplikantët – të jenë organizata të shoqërisë civile nga rajoni i Koçanit – nuk zbatohen për bashkëpunëtorët. Bashkëpunëtorët mund të jenë nga çdo pjesë e vendit, dhe kompanitë e biznesit janë bashkëpunëtorë të pranueshëm.
Aplikimi duhet të shpjegojë qartë pse është i përfshirë secili bashkëpunëtor në projekt. Bashkëpunëtorët nuk mund të përfitojnë financiarisht nga aktivitetet e projektit.
Udhëzimet për Aplikantët: Fjalorthi (“Associate” – bashkëpunëtor) dhe seksioni 2.1.1 (Bashkëpunëtorët).
Po. Një institucion shtetëror mund të jetë bashkëpunëtor dhe, si i tillë, nuk mund të marrë asnjë kompensim financiar për pjesëmarrjen.
Për shembull, një shkollë mund ta lëshojë pa pagesë një sallë, një klasë ose oborrin e saj për aktivitetet e projektit. Fondet e projektit nuk mund të përdoren për të paguar institucionin.
Udhëzimet për Aplikantët: Fjalorthi (“Associate” – bashkëpunëtor) dhe seksioni 2.1.1 (Bashkëpunëtorët).
Projekti mund të zbatohet në katër komunat e rajonit të Koçanit, ose vetëm në një, dy ose tre prej tyre. Vendimin e merr aplikanti, varësisht nga nevojat dhe aktivitetet e planifikuara. Të gjitha aktivitetet duhet të zhvillohen brenda rajonit të Koçanit: Koçan, Çeshinovë-Obleshevë, Zrnovc dhe Vinicë.
Udhëzimet për Aplikantët: seksioni 2.2 (Vendndodhja).
Po. Udhëzimet nuk përcaktojnë se si duhet t’i identifikojnë aplikantët nevojat. Seksioni 3.2 i Formularit të Aplikimit i rendit konsultimet me komunitetin si një nga burimet e mundshme të dëshmive, krahas të dhënave, hulumtimeve lokale dhe përvojës së drejtpërdrejtë të vetë aplikantit. Çdo kosto për përgatitjen e aplikimit e mbulon aplikanti.
Udhëzimet për Aplikantët: seksioni 2.3 (Kontraktimi pa efekt prapaveprues); Aneksi A – Formulari i Aplikimit, seksioni 3.2.
Seksioni 6.1 i Udhëzimeve kërkon pëlqimin e prindit ose të kujdestarit për pjesëmarrësit nën 18 vjeç. Ky rregull zbatohet për Veprimet e mbështetura, domethënë për aktivitetet që zhvillohen gjatë zbatimit. Thirrja nuk përcakton rregulla specifike për aktivitetet që aplikanti i zhvillon vetë para se të aplikojë. Aplikanti është përgjegjës të sigurojë që çdo konsultim i tillë të jetë në përputhje me legjislacionin kombëtar për mbrojtjen e të dhënave personale dhe me rregullat e vetë shkollës. Helpdesk-u nuk mund të vlerësojë nëse miratimi i shkollës është i mjaftueshëm në një rast të caktuar.
Udhëzimet për Aplikantët: seksioni 6.1 (Mos shkakto dëm).
“Qarkullimi i përgjithshëm në vitin e fundit financiar të mbyllur” përfshin vetëm të ardhurat e realizuara në vitin 2025, domethënë të ardhurat e përgjithshme në pasqyrën tuaj të të ardhurave dhe shpenzimeve për vitin 2025. Teprica e bartur nga vitet e mëparshme nuk përfshihet. Ajo nuk përbën të ardhura për vitin në fjalë, por fonde që organizata i ka bartur nga vitet e mëparshme.
Udhëzimet për Aplikantët: seksioni 2.1.
Nuk nevojitet asnjë dokument mbështetës. Bashkëpunëtorët përshkruhen në Formularin e Aplikimit. Vlerësohen vetëm Formulari i Aplikimit dhe Buxheti, dhe përveç dokumenteve mbështetëse të kërkuara nuk duhet të dërgohen anekse të tjera.
Udhëzimet për Aplikantët: Fjalorthi (“Associate” – bashkëpunëtor), seksioni 2.1.1 (Bashkëpunëtorët), seksioni 3 dhe seksioni 3.1 (Dokumentet mbështetëse të kërkuara); Aneksi A – Formulari i Aplikimit, seksioni 1.4.
Merren parasysh pasqyrat financiare për periudhën 1 janar – 31 dhjetor 2025, të cilat organizatat i kanë dorëzuar në vitin 2026. Të ardhurat e vitit aktual (2026) nuk merren parasysh.
Aplikantët duhet të dorëzojnë bashkë me aplikimin një kopje të këtyre pasqyrave financiare më të fundit në dispozicion. Organizatat pa aktivitet financiar në vitin 2025, përfshirë organizatat e sapothemeluara ose të riaktivizuara, janë gjithashtu të pranueshme. Në vend të pasqyrave financiare, ato duhet të dorëzojnë një deklaratë se nuk kanë pasur aktivitet financiar.
Kur pasqyrat financiare të vitit 2025 përfshijnë donacione të marra për reagim humanitar emergjent ose për ndihmë pas fatkeqësive, këto shuma nuk llogariten në pragun prej 50 000 EUR. Kjo vlen vetëm nëse bashkë me aplikimin dorëzohet marrëveshja e donacionit ose letra e ndarjes së fondeve, që konfirmon qëllimin e tyre.
Udhëzimet për Aplikantët: seksionet 2.1 (Pranueshmëria e aplikantëve, përfshirë fusnotën për qarkullimin vjetor), 3.1 (Dokumentet mbështetëse të kërkuara) dhe 4.1.
Adresa e vlefshme është ajo që aktualisht është e regjistruar në Regjistrin Qendror, siç tregohet në dokumentin e regjistrimit (gjendja aktuale, тековна состојба) të dorëzuar bashkë me aplikimin.
Udhëzimet për Aplikantët: seksionet 2.1 (Pranueshmëria e aplikantëve) dhe 3.1 (Dokumentet mbështetëse të kërkuara).
Linqet duhet të vendosen në fusnota, në seksionin përkatës të Formularit të Aplikimit, për shembull në seksionin 3.2, ku përshkruani problemin ose nevojën. Vetë teksti duhet të shpjegojë shkurtimisht se çfarë tregojnë dëshmitë dhe pse ato janë të rëndësishme për projektin tuaj.
Dëshmitë mund të përfshijnë të dhëna, hulumtime lokale, konsultime me komunitetin ose përvojën e drejtpërdrejtë të vetë organizatës.
Udhëzimet për Aplikantët: seksioni 4.2 (nënkriteri 2.3).
Formulari i Aplikimit (Aneksi A) dhe Buxheti (Aneksi B) duhet të plotësohen në gjuhën angleze, siç përcaktohet në njoftimin për Thirrjen. Aplikimet e plotësuara në një gjuhë tjetër nuk e kalojnë kontrollin e përputhshmërisë administrative dhe nuk do të konsiderohen. Dokumentet mbështetëse të renditura në seksionin 3.1 të Udhëzimeve për Aplikantët, si certifikata e regjistrimit dhe pasqyrat financiare, mund të dorëzohen në gjuhën në të cilën janë lëshuar.
Jo. Plani i punës në Formularin e Aplikimit (seksioni 4.9) përdor muajt e zbatimit, jo muajt kalendarikë. Kolonat 1 deri në 10 përfaqësojnë dhjetë muajt e Veprimit, nga Muaji 1 deri në Muajin 10. Aplikantët duhet të shënojnë muajt në të cilët zhvillohet secili aktivitet dhe nuk duhet të japin data kalendarike. Veprimi fillon me nënshkrimin e Kontratës për Mbështetje në Natyrë, dhe data e fillimit mund të ndryshojë pak nga një Përfitues te tjetri.
Jo, kjo nuk përbën problem. Organizatat pa aktivitet financiar në vitin e fundit financiar të mbyllur (2025) janë të pranueshme. Në vend të pasqyrave financiare, aplikimi duhet të përfshijë një deklaratë se në atë vit nuk ka pasur aktivitet financiar.
Udhëzimet për Aplikantët: seksionet 2.1 (Pranueshmëria e aplikantëve), 3.1 (Dokumentet mbështetëse të kërkuara) dhe 4.2 (nënkriteri 1.1).
Dokumentet mbështetëse, përfshirë pasqyrat financiare ose deklaratën se nuk ka pasur aktivitet financiar, si dhe dokumentet nga Regjistri Qendror, dorëzohen në gjuhën maqedonase. Nuk nevojitet përkthim.
Udhëzimet për Aplikantët: seksioni 3.1 (Dokumentet mbështetëse të kërkuara).
Nuk nevojitet dëshmi e veçantë për të ardhurat. Kushti që qarkullimi vjetor të jetë nën 50 000 EUR i referohet vitit të fundit financiar të mbyllur, që është viti 2025. Një organizatë e regjistruar në mars 2026 nuk ka ende një vit financiar të mbyllur. Duhet të dorëzohet një kopje e certifikatës së regjistrimit, së bashku me statutin.
Udhëzimet për Aplikantët: seksioni 2.1 dhe seksioni 3.1 (Dokumentet mbështetëse të kërkuara).
Deklarata duhet të nënshkruhet nga përfaqësuesi ligjor i organizatës aplikuese. Pranohen dy mundësi:
Udhëzimet për Aplikantët: seksionet 3.1 (Dokumentet mbështetëse të kërkuara) dhe 4.1 (Kontrolli i përputhshmërisë administrative dhe i pranueshmërisë).
Thirrja mbështet veprime për të rinjtë dhe me të rinjtë në rajonin e Koçanit, dhe aktivitetet duhet të hartohen në mënyrë që t’u përgjigjen nevojave të tyre specifike. Palë të tjera të interesuara lokale, si komunat, shkollat dhe punëdhënësit, mund të marrin pjesë në Veprim si bashkëpunëtorë.
Udhëzimet për Aplikantët: seksioni 1.1 (Konteksti), seksioni 1.2 (Objektivat e programit dhe çështjet prioritare), seksioni 2.1.1 (Bashkëpunëtorët) dhe seksioni 2.2 (Llojet e aktiviteteve).
Zbatimi i secilit Veprim fillon pasi të jetë nënshkruar Kontrata për Mbështetje në Natyrë. Sipas kalendarit indikativ, aplikimet do të vlerësohen në dhjetor 2026, ndërsa të gjithë aplikantët do të njoftohen për vendimin e dhënies së mbështetjes në dhjetor 2026 ose në janar 2027. Kontratat për Mbështetje në Natyrë pritet të nënshkruhen në janar 2027 dhe zbatimi do të fillojë pas kësaj. Data e saktë e fillimit të secilit Veprim do të përcaktohet në Kontratën përkatëse për Mbështetje në Natyrë.
Secili aplikim vlerësohet individualisht, sipas meritave të veta, në bazë të kritereve të publikuara dhe informacioneve të dhëna në Formularin e Aplikimit. Ngjashmëria e ideve nuk përbën arsye për refuzim. Kriteret janë:
Udhëzimet për Aplikantët: seksionet 4.2 (Vlerësimi i cilësisë) dhe 4.3 (Renditja, vendimi për dhënien e mbështetjes dhe njoftimi).
Thirrja ka një buxhet të përgjithshëm prej 300 000 EUR, por kjo nuk do të thotë se e gjithë shuma duhet të ndahet. Të gjitha aplikimet do të vlerësohen në bazë të kritereve të publikuara. Për mbështetje mund të merren në konsideratë vetëm aplikimet që arrijnë pikët minimale: 60 nga 100 pikë, përfshirë të paktën 15 nga 25 pikë për relevancën. Nëse vlera e aplikimeve të rekomanduara për mbështetje është nën 300 000 EUR, fondet e mbetura nuk do të ndahen në kuadër të kësaj Thirrjeje. Autoriteti Kontraktues ka të drejtë të mos i ndajë të gjitha fondet në dispozicion.
Udhëzimet për Aplikantët: seksionet 1.3 dhe 4.3.
Nuk ka një numër të caktuar projektesh. Thirrja ka një buxhet të përgjithshëm prej 300 000 EUR dhe secili projekt mund të kërkojë nga 10 000 EUR deri në 15 000 EUR. Numri i projekteve që do të mbështeten do të varet nga shumat e kërkuara dhe të miratuara.
Udhëzimet për Aplikantët: seksionet 1.3 dhe 4.3.
Mund të marrin pjesë edhe vullnetarë nga pjesë të tjera të vendit. Kostot e tyre të ushqimit dhe të transportit për një aktivitet mbulohen në të njëjtën mënyrë si ato të pjesëmarrësve të tjerë në atë aktivitet. Vullnetarët nuk marrin asnjë pagesë tjetër.
Udhëzimet për Aplikantët: seksioni 2.3 (Shpenzimet e vullnetarëve); Aneksi B – Buxheti, Përshkrimi i kostove të përshtatshme (Description of Eligible Costs), rreshti 2.3.
Po, shkollat mund të jenë bashkëpunëtorë. Bashkëpunëtor është një organizatë ose individ që luan një rol real në projekt, por që nuk merr mbështetje në natyrë për kostot e veta, përveç kostove të udhëtimit dhe të qëndrimit që lidhen drejtpërdrejt me aktivitetet e Veprimit. Bashkëpunëtorët duhet të përshkruhen në Aneksin A – Formulari i Aplikimit. Një shkollë, për shembull, mund të ndihmojë në arritjen e të rinjve, të ofrojë hapësirë ose të marrë pjesë në aktivitete. Mësimdhënësit mund të marrin pjesë në aktivitetet e projektit, por nuk mund të marrin honorar nga projekti. Sipas Udhëzimeve, kompensimi i stafit të administratës publike nuk është kosto e pranueshme, dhe mësimdhënësit e punësuar në shkolla publike konsiderohen të përfshirë në këtë rregull.
Udhëzimet për Aplikantët: Fjalorthi (“Associate” – bashkëpunëtor), seksioni 2.1.1 (Bashkëpunëtorët), seksioni 2.3 (Kostot e papranueshme) dhe seksioni 4.2 (nënkriteri 4.2).
Po, me kusht që prototipimi të jetë aktivitet mësimor i Veprimit. Materialet për prototipe mund të mbulohen kur prototipi ndërtohet në kuadër të aktiviteteve si laboratori i të menduarit të dizajnit (design thinking) ose laboratori i inovacionit, hakatoni ose sfida e inovacionit në biznes, dhe shërben për të testuar dhe për të prezantuar idenë. Aktivitete të tilla renditen ndër aktivitetet indikative në kuadër të Prioritetit 1 (laboratorët e inovacionit) dhe të Prioritetit 2 (inkubimi i lehtë, ngjarjet e prezantimit (pitching) të ndërmarrjeve të reja të të rinjve dhe sfidat e inovacionit në biznes). Materialet janë materiale harxhuese të dedikuara posaçërisht për Veprimin. Ato duhet të shënohen në Aneksin B, rreshti 3.2, dhe duhet të jenë të nevojshme, proporcionale dhe të arsyetuara.
Shembuj: Sfida e inovacionit në biznes në fushën e zejtarisë: të rinjtë zhvillojnë një ide produkti, për shembull një çantë nga materiale të ricikluara, dhe qepin një ose dy prototipe për t’i prezantuar në ngjarjen e prezantimit (pitching). Mbulohen: pëlhura, peri dhe materialet e ricikluara.
Prototipi i një produkti digjital: një ekip krijon një model paraprak (mock-up) të një aplikacioni celular për turizmin lokal. Mbulohen: licencat për softuer prototipimi për kohëzgjatjen e aktivitetit (Aneksi B, rreshti 3.3).
Mbështetja në natyrë nuk do të mbulojë zhvillimin e produktit për biznesin personal të një të riu. Këtu përfshihen prodhimi i një serie të parë, i një produkti për shitje, i paketimit ose i një kallëpi për prodhim. Kosto të tilla konsiderohen kapital fillestar ose kosto të një biznesi individual, të cilat nuk janë të pranueshme. Gjithashtu, mbështetja nuk mund të gjenerojë fitim për pjesëmarrësit.
Mbështetja nuk mund t’u jepet pjesëmarrësve ose ekipeve si pagesa individuale ose pako materialesh për të zhvilluar prototipet e tyre, jashtë aktiviteteve të Veprimit. Blerja e pajisjeve nuk është e pranueshme. Pajisjet e nevojshme për prototipim mund të merren me qira (Aneksi B, rreshti 3.1).
Udhëzimet për Aplikantët: seksionet 2.2 (Prioritetet 1 dhe 2, aktivitetet indikative) dhe 2.3 (Kostot e papranueshme; rregulli i mosgjenerimit të fitimit); Aneksi B, shënimet për rreshtat 3.1, 3.2 dhe 3.3.
Jo. Udhëtimet për funksionimin e përgjithshëm të projektit nuk mund të mbulohen. Të tilla janë, për shembull, udhëtimet për në takime, për mbledhjen e ofertave nga furnizuesit ose për detyra administrative. Udhëtimet lokale mbulojnë vetëm udhëtimet që lidhen drejtpërdrejt me një aktivitet të projektit. Udhëtimi i koordinatorit për në një aktivitet, si një punëtori në Zrnovc, mund të përfshihet në Buxhet për atë aktivitet. Puna e koordinatorit për menaxhimin e projektit mbulohet nga kompensimi për ekipin e Veprimit.
Udhëzimet për Aplikantët: seksioni 2.3 (Mbulimi i kostove; Kompensimi për ekipin e Veprimit).
Aktivitetet mund të zhvillohen gjatë fundjavës kur kjo ua lehtëson pjesëmarrjen të rinjve, për shembull nxënësve që ndjekin shkollën gjatë javës. Aktivitetet nuk mund të zhvillohen në festa zyrtare.
Koha e zhvillimit të aktiviteteve duhet të paraqitet në planin e punës dhe të shpjegohet në Formularin e Aplikimit.
Udhëzimet për Aplikantët: seksioni 4.2 (nënkriteri 3.4).
Në fletën e arsyetimit (Justification) të Buxhetit (Aneksi B). Buxheti tregon vetëm koston e secilit artikull: njësinë, numrin e njësive dhe çmimin për njësi. Fleta e arsyetimit shpjegon secilin rresht:
Për materialet, kjo do të thotë të renditet çfarë nevojitet dhe për kë. Për shembull: fletore, stilolapsa dhe letër për flipçart për 20 pjesëmarrës në një trajnim dyditor.
Udhëzimet për Aplikantët: seksioni 2.3 (Kostot e drejtpërdrejta të pranueshme) dhe seksioni 4.2 (kriteri 5 – Buxheti dhe efektiviteti i kostos); Aneksi B – Buxheti, fleta e arsyetimit (Justification).
Ekspertët, trajnerët dhe kouçët/mentorët shënohen në kategorinë 4 (Other costs and services – kosto dhe shërbime të tjera), rreshti 4.1 i Buxhetit. Ata nuk janë pjesë e kompensimit për ekipin e Veprimit (rreshti 1.1) dhe nuk llogariten në kufirin prej 20% të tij. Ata kontraktohen dhe paguhen drejtpërdrejt nga Autoriteti Kontraktues.
Udhëzimet për Aplikantët: seksioni 2.3 (Kompensimi për ekipin e Veprimit); Aneksi B – Buxheti, Përshkrimi i kostove të përshtatshme (Description of Eligible Costs), rreshtat 1.1 dhe 4.1.
Kursimet nga prokurimi nuk mund të përdoren për të shtuar një aktivitet të ri që nuk ishte përfshirë në Veprimin dhe Buxhetin e miratuar. Buxheti i miratuar është shuma maksimale në dispozicion dhe nuk mund të rritet.
Nëse kostot faktike të aktiviteteve të miratuara ndryshojnë nga shumat e planifikuara, fondet mund të rialokohen ndërmjet këtyre aktiviteteve, me pëlqimin paraprak të Autoritetit Kontraktues dhe brenda buxhetit të përgjithshëm të miratuar. Rialokimi duhet të miratohet përpara se të kryhet.
Udhëzimet për Aplikantët: seksioni 2.3 (Mbulimi i kostove; parimet e përgjithshme).
Po, mund ta përmendni në Formularin e Aplikimit, por mos e bashkëngjitni marrëveshjen, pasi vlerësohen vetëm Formulari i Aplikimit dhe Buxheti. Kompania mund të shënohet në Formularin e Aplikimit si bashkëpunëtor (associate), domethënë si organizatë që luan një rol real në projekt, por që nuk merr mbështetje në natyrë për kostot e veta, përveç kostove të udhëtimit dhe të qëndrimit që lidhen drejtpërdrejt me aktivitetet e Veprimit. Bashkëpunëtorët duhet të përshkruhen në Aneksin A – Formulari i Aplikimit.
Çmimet e financuara në kuadër të kësaj Thirrjeje duhet të jenë jomonetare. Vetë kompania mund të ofrojë çmime në para, jashtë buxhetit të Veprimit, nëse burimi i tyre tregohet qartë.
Udhëzimet për Aplikantët: Fjalorthi (“Associate” – bashkëpunëtor), seksioni 2.3 (Kostot e papranueshme dhe fusnota përkatëse) dhe seksioni 4.2 (nënkriteri 4.2).
Transporti mund të buxhetohet vetëm kur lidhet drejtpërdrejt me një aktivitet të projektit, për shembull udhëtimi i pjesëmarrësve për në një punëtori në Zrnovc ose udhëtimi i një trajneri për në një trajnim në Vinicë. Udhëtimet për funksionimin e përgjithshëm të projektit, si udhëtimet e koordinatorit për në takime ose për mbledhjen e ofertave, nuk mund të mbulohen.
Kostot e transportit shënohen në rreshtin 2.1 (Local travel – udhëtime lokale) të Buxhetit. Çdo aktivitet që kërkon transport mund të ketë rreshtin e vet. Si rregull, transporti organizohet përmes një ofruesi shërbimesh, për shembull me marrjen me qira të një autobusi ose furgoni. Kur kjo nuk është e mundur, mund të përdoret transporti publik ose automjeti privat. Në fletën e arsyetimit (Justification) duhet të shpjegohen itinerari, distanca e përafërt dhe numri i personave që udhëtojnë.
Udhëzimet për Aplikantët: seksioni 2.3 (Mbulimi i kostove; Shpenzimet e vullnetarëve) dhe Aneksi B – Buxheti.
Honoraret (fees) buxhetohen bruto. Të gjitha honoraret në Buxhet janë shuma bruto, përfshirë tatimin personal mbi të ardhurat dhe kontributet përkatëse. Kjo vlen për koordinatorin dhe asistentin (kompensimi për ekipin e Veprimit), si dhe për ekspertët dhe trajnerët.
Mallrat dhe shërbimet buxhetohen pa TVSH. Projekti është i përjashtuar nga TVSH-ja për mbështetjen e ofruar në kuadër të kësaj Thirrjeje. Furnizuesit i lëshojnë faturat pa TVSH, në emër të projektit, dhe projekti i paguan ata drejtpërdrejt. Organizatat e përzgjedhura nuk kanë nevojë të regjistrohen për përjashtim nga TVSH-ja dhe as të paguajnë vetë TVSH.
Udhëzimet për Aplikantët: seksioni 1.3 (Forma e mbështetjes) dhe seksioni 2.3 (Kompensimi për ekipin e Veprimit; Kostot e papranueshme).
Sipas nevojës, organizatave të përzgjedhura do t’u ofrohen shembuj kontratash për angazhimin e koordinatorit dhe të asistentit të projektit. Përfituesit mund të përdorin gjithashtu modelet e tyre të kontratave për këto pozicione.
Udhëzimet për Aplikantët: seksioni 7.3 (Ngritja e kapaciteteve të Përfituesve) dhe seksioni 8 (Aneksët).
Jo. Koordinatori dhe asistenti i projektit nuk është e nevojshme të jenë të punësuar në organizatë. Ata mund të jenë anëtarë të organizatës ose persona të jashtëm. Secili prej tyre duhet të ketë kontratë me organizatën, për shembull kontratë shërbimi (договор на дело). Në kontratë përcaktohen roli, periudha e angazhimit dhe honorari.
Udhëzimet për Aplikantët: seksioni 1.3 (Shënim) dhe seksioni 2.3 (Kompensimi për ekipin e Veprimit; Kostot e papranueshme).
Nuk kërkohet angazhim me orar të plotë. Organizata mund të vendos për nivelin e angazhimit të koordinatorit dhe të asistentit, në bazë të aktiviteteve të planifikuara. Honorari mujor duhet t’i përgjigjet këtij niveli. Për shembull, koordinatori mund të angazhohet me orar të pjesshëm, ose më pak, gjatë të dhjetë muajve.
Niveli i angazhimit duhet të tregohet në Buxhet dhe të shpjegohet në fletën e arsyetimit. Gjatë zbatimit të Veprimit, koordinatori dhe asistenti i projektit duhet të dorëzojnë fletë kohore (timesheets), ku regjistrohet koha e punuar.
Një person që punon njëkohësisht në disa projekte nuk mund të angazhohet gjithsej për më shumë se 100% të kohës së vet.
Udhëzimet për Aplikantët: seksioni 2.3 (Kompensimi për ekipin e Veprimit) dhe seksioni 4.2 (kriteri 5 – Buxheti dhe efektiviteti i kostos).
Po. Personi i autorizuar për të nënshkruar në emër të organizatës mund të jetë njëkohësisht edhe koordinator ose asistent i projektit.
Udhëzimet për Aplikantët: seksioni 2.3 (Kompensimi për ekipin e Veprimit; Kostot e papranueshme) dhe seksioni 2.4 (Etika dhe vlerat).
Pasqyrat tuaja financiare vjetore do të tregojnë si të ardhur vetëm kompensimin për ekipin e Veprimit, sepse ky është i vetmi fond që transferohet në llogarinë tuaj. Të gjitha kostot e tjera projekti ua paguan drejtpërdrejt furnizuesve dhe ofruesve të shërbimeve.
Vlera e plotë e projektit përcaktohet në Kontratën për Mbështetje në Natyrë, të nënshkruar ndërmjet organizatës suaj dhe projektit. Kontrata përcakton shumën e përgjithshme të mbështetjes, aktivitetet dhe kohëzgjatjen. Ajo mund të shërbejë si dëshmi e projektit kur përshkruani përvojën dhe kapacitetin tuaj në aplikimet e ardhshme. Mbështetja mund të përshkruhet si mbështetje në natyrë e marrë në kuadër të Mekanizmit të BE-së për Qëndrueshmëri Civile, duke treguar vlerën e përgjithshme dhe kohëzgjatjen.
Udhëzimet për Aplikantët: Fjalorthi (“In-kind support” – mbështetje në natyrë, “In-kind Support Contract” – Kontrata për Mbështetje në Natyrë) dhe seksioni 1.3 (Shënim).
Organizatave të përzgjedhura do t’u vihet në dispozicion një listë e ofruesve të shërbimeve si referencë, por përdorimi i saj nuk është i detyrueshëm. Ekspertët dhe ofruesit e shërbimeve përzgjidhen nga organizata përmes një procedure konkurruese, e cila miratohet nga ekipi i EU CRM.
Udhëzimet për Aplikantët: Fjalorthi (“Service Provider” – ofrues shërbimesh), seksioni 2.3 (Kontraktimi pa efekt prapaveprues) dhe seksioni 7.3 (Mbështetja për ngritjen e kapaciteteve); Aneksi A – Formulari i Aplikimit, seksioni 4.8.
Po, organizatat duhet të ndjekin procedurat e prokurimit të projektit, edhe nëse kanë rregulla të brendshme. Procedurat bazohen në rregullat e BE-së për projektet e financuara nga BE-ja (PRAG), të përshtatura për mbështetjen në natyrë. Furnizuesit dhe ofruesit e shërbimeve përzgjidhen përmes një procesi konkurrues, dhe nuk ka pragje vlere nën të cilat ky rregull nuk zbatohet.
Të gjitha organizatat e përzgjedhura do të ndjekin një trajnim të detyrueshëm për prokurim para fillimit të zbatimit. Trajnimi shpjegon secilin hap të procedurës, përfshirë kohën e nevojshme.
Asnjë prokurim nuk mund të fillojë para nënshkrimit të Kontratës për Mbështetje në Natyrë.
Udhëzimet për Aplikantët: seksionet 1.3, 2.3 dhe 7.3.
Organizatat e përzgjedhura do të marrin mbështetje për hartimin e modeleve për përzgjedhjen e ekspertëve gjatë trajnimit të detyrueshëm për prokurim.
Udhëzimet për Aplikantët: seksioni 7.3 (Mbështetja për ngritjen e kapaciteteve).
Një projekt mund të angazhojë më së shumti një ekspert tematik. Nuk ka numër maksimal për trajnerët dhe kouçët/mentorët. Numri i tyre duhet të jetë i nevojshëm për aktivitetet e planifikuara dhe i arsyetuar në Buxhet.
Udhëzimet për Aplikantët: seksioni 2.3 (Kostot e drejtpërdrejta të përshtatshme; parimet e përgjithshme) dhe seksioni 4.2 (kriteri 5 – Buxheti); Aneksi B – Buxheti, Përshkrimi i kostove të përshtatshme (Description of Eligible Costs), rreshti 4.1.
Jo. Kompensimi i stafit të administratës publike ose i punonjësve të tjerë të sektorit publik nuk është kosto e përshtatshme, dhe profesorët e punësuar në universitete publike përfshihen në këtë rregull. Ata mund të marrin pjesë në Veprim si bashkëpunëtorë.
Udhëzimet për Aplikantët: Fjalorthi (“Associate” – bashkëpunëtor), seksioni 2.1.1 (Bashkëpunëtorët) dhe seksioni 2.3 (Kostot e papërshtatshme).
Universitetet private janë institucione private dhe nuk janë pjesë e sektorit publik. Për këtë arsye, stafi i tyre mund të marrë pjesë në procedurën konkurruese për përzgjedhjen e ekspertëve.
Udhëzimet për Aplikantët: seksioni 2.3 (Kostot e papërshtatshme).
Anëtarët e familjes nuk përjashtohen automatikisht, por përzgjedhja duhet të jetë konkurruese, e bazuar në kritere të përcaktuara paraprakisht dhe pa asnjë konflikt interesi.
Përzgjedhjen e kryen organizata. Më pas, procedura miratohet nga ekipi i EU CRM para se eksperti të kontraktohet.
Udhëzimet për Aplikantët: seksioni 2.4 (Etika dhe vlerat – Mungesa e konfliktit të interesit) dhe seksioni 7.3 (Mbështetja për ngritjen e kapaciteteve).
Po. Universitetet publike trajtohen si pjesë e administratës publike/sektorit publik, pasi stafi i tyre paguhet nga buxheti i shtetit. Profesorët universitarë mund të përfshihen vetëm si bashkëpunëtorë dhe nuk mund të angazhohen si ekspertë me pagesë. Ata mund të mbajnë ligjërata, por nuk mund të paguhen për to.
Udhëzimet për Aplikantët: Fjalorthi (“Associate” – bashkëpunëtor), seksioni 2.1.1 (Bashkëpunëtorët) dhe seksioni 2.3 (Kostot e papërshtatshme).
Udhëzimet nuk përcaktojnë përvojë minimale për ekspertët. Organizata përcakton kualifikimet dhe përvojën e kërkuar për secilin ekspert, në bazë të aktivitetit, dhe eksperti përzgjidhet përmes një procedure konkurruese sipas këtyre kritereve.
Udhëzimet për Aplikantët: seksioni 2.3 (Kostot e drejtpërdrejta të përshtatshme) dhe seksioni 4.2 (kriteri 5 – Buxheti); Aneksi B – Buxheti, Përshkrimi i kostove të përshtatshme (Description of Eligible Costs), rreshti 4.1.
Të gjithë ofruesit e shërbimeve të nevojshëm për aktivitetet, përfshirë trajnerët, mentorët, ekspertët, konsulentët e biznesit dhe firmat konsulente, angazhohen përmes një procedure konkurruese përzgjedhjeje. Procedura bazohet në PRAG (Udhëzuesi praktik për procedurat e kontratave për veprimet e jashtme të BE-së), të përshtatur për mbështetjen në natyrë. Përzgjedhjen e kryen organizata juaj, duke ndjekur procedurën për të cilën do të trajnoheni, ndërsa ekipi i EU CRM e miraton atë. Organizatat nuk mund t’i angazhojnë ekspertët drejtpërdrejt, pa këtë procedurë.
Në fazën e aplikimit nuk është e nevojshme t’i përmendni me emër ekspertët ose firmat. Mjafton të përshkruani në Formularin e Aplikimit profilin, kualifikimet dhe përvojën e kërkuar për secilin ekspert ose shërbim. Kostot në Buxhet (Aneksi B) duhet të jenë realiste dhe të bazuara në çmimet e tregut. Kompensimi i stafit të administratës publike nuk është kosto e pranueshme.
Asnjë përzgjedhje apo prokurim nuk mund të kryhet para nënshkrimit të Kontratës për Mbështetje në Natyrë. Vetë procedura do të përcaktohet në udhëzimet për zbatim, përfshirë mënyrën e mbledhjes së ofertave, kush e kryen përzgjedhjen dhe si miratohet ajo. Ajo do të shpjegohet gjithashtu në trajnimin e detyrueshëm për prokurim për të gjitha organizatat e përzgjedhura.
Udhëzimet për Aplikantët: Fjalorthi (“PRAG”, “Service provider / supplier” – ofrues shërbimesh / furnizues), seksioni 2.3 (Kontraktimi pa efekt prapaveprues; Kostot e papranueshme), seksioni 4.2 (kriteret 1.1 dhe 5) dhe seksioni 7.3 (Ngritja e kapaciteteve të Përfituesve).
Po. Kur në zonën ku zhvillohet aktiviteti ka vetëm një furnizues në dispozicion, mund të pranohet një ofertë e vetme. Organizata duhet të paraqesë një shpjegim të shkurtër me shkrim, ku konfirmon se ka kërkuar ofertë dhe se asnjë furnizues tjetër që vepron në atë zonë nuk mund ta ofronte shërbimin. Shpjegimi është pjesë e dokumentacionit të prokurimit.
Procedura për raste të tilla shpjegohet në detaje gjatë trajnimit të detyrueshëm për prokurim për organizatat e përzgjedhura.
Udhëzimet për Aplikantët: seksionet 1.3 dhe 7.3.
Kjo do të ishte nënkontraktim, ndërsa nënkontraktorët nuk parashikohen në këtë Thirrje. Aplikanti, si organizata që nënshkruan kontratën për zbatimin e aktiviteteve, publikon thirrjen e vet për ekspertë dhe i përzgjedh ata përmes një procedure konkurruese.
Megjithatë, një organizatë ose kompani mund të përzgjidhet si ofrues shërbimesh kur aktiviteti kërkon një trajnim të specializuar ose një program të specializuar online që ofrohet si shërbim i plotë. Në këtë rast, ofruesi i shërbimeve përzgjidhet përmes një procedure konkurruese për ofruesit e shërbimeve, dhe pagesa i bëhet organizatës ose kompanisë për shërbimin ose shërbimet e ofruara.
Udhëzimet për Aplikantët: seksioni 2.1.1 (Bashkëpunëtorët) dhe seksioni 7.3 (Mbështetja për ngritjen e kapaciteteve); Aneksi B – Buxheti, Përshkrimi i kostove të përshtatshme (Description of Eligible Costs), rreshti 4.1.
Ekspertë mund të jenë çdo person i kualifikuar që nuk është i punësuar në administratën publike ose në ndonjë pjesë tjetër të sektorit publik. Ata përzgjidhen përmes një procedure konkurruese. Mësimdhënësit e punësuar në shkolla publike nuk mund të marrin honorar nga projekti. Ata mund të angazhohen si bashkëpunëtorë.
Udhëzimet për Aplikantët: seksioni 2.3 (Kostot e papërshtatshme).
