Apply in 123 simple steps
Нашите вредности

ЧОВЕКОВИ ПРАВА

Човековите права се заштитени со Повелбата за основните права на Европската унија. Тие ја вклучуваат слободата од дискриминација, заштитата на личните податоци и пристапот до правдата. Секој граѓанин има еднакво право на овие права.

ВЛАДЕЕЊЕ НА ПРАВОТО

ЕУ се темели на владеењето на правото. Сè што прави се засновува на договори доброволно и демократски усогласени од нејзините земји членки. Правото и правдата ги штити независно судство, при што Судот на правдата на ЕУ е конечен авторитет – неговите пресуди се задолжителни за сите земји членки.

ЕДНАКВОСТ

Еднаквоста обезбедува сите граѓани да бидат третирани еднакво пред законот. Таа ја вклучува родовата еднаквост и еднаквите можности во секоја сфера на животот. Овој принцип ја води европската интеграција уште од Римскиот договор.

ДЕМОКРАТИЈА

ЕУ е изградена врз претставничка демократија. Граѓаните имаат право да гласаат и да се кандидираат на изборите за Европскиот парламент, без разлика дали тоа е во нивната земја на потекло или живеење. Политичкото учество е камен-темелник на европското граѓанство.

СЛОБОДА

Слободата ги опфаќа правото на движење, живеење и работа низ целата Унија. Таа исто така ги штити личните слободи, како приватноста, верувањето, собирањето и изразувањето. Овие слободи се гарантирани со Повелбата за основните права на Европската унија.

ЧОВЕЧКО ДОСТОИНСТВО

Човечкото достоинство е темелот на европското општество. Тоа е неповредливо и мора секогаш да биде почитувано и заштитено. Сите основни права произлегуваат од овој принцип.

28.10.2026

Ве молам за дополнително појаснување за постапката за ангажирање обучувачи, ментори, бизнис-консултанти и консултантски фирми. На настанот беше споменато дека тие се ангажираат преку постапка за набавка, па Ве молам за информации за тоа како точно се спроведува оваа постапка. Дали се објавува повик или оглас на кој можат да се пријават заинтересираните експерти и фирми, по што следи избор? Ако е така, кој е одговорен за спроведувањето на постапката и за конечниот избор: Вие како координатори на проектот или самите организации-корисници? Или, пак, организациите имаат можност самостојно да ги ангажираат експертите што сметаат дека најмногу одговараат на нивните потреби и планираните активности?

Сите даватели на услуги потребни за активностите, вклучително и обучувачи, ментори, експерти, бизнис-консултанти и консултантски фирми, се ангажираат преку конкурентна постапка за избор. Постапката се заснова на PRAG (Практичен водич за договорните постапки за надворешните активности на ЕУ), прилагоден на директната поддршка. Изборот го спроведува Вашата организација, следејќи ја постапката за која ќе бидете обучени, а тимот на ЕУ МГО го одобрува. Организациите не можат да ангажираат експерти директно, без оваа постапка.

Во фазата на аплицирање не е потребно да наведувате имиња на конкретни експерти или фирми. Доволно е во Формуларот за апликација да ги опишете профилот, квалификациите и искуството што се бараат за секој експерт или услуга. Трошоците во Буџетот (Анекс Б) треба да бидат реални и засновани на пазарните цени. Надоместоците за вработените во јавната администрација не се прифатлив трошок.

Ниту еден избор или набавка не може да се спроведе пред потпишувањето на Договорот за директна поддршка. Самата постапка ќе биде утврдена во насоките за спроведување, вклучително и начинот на прибирање понуди, кој го спроведува изборот и начинот на кој се одобрува. Таа ќе биде објаснета и на задолжителната обука за набавки за сите избрани организации.

Насоки за апликантите: Поимник („PRAG“, „Давател на услуги / добавувач“), дел 2.3 (Неретроактивност при склучување договори; Неприфатливи трошоци), дел 4.2 (критериуми 1.1 и 5) и дел 7.3 (Градење капацитети за корисниците).