Александар Ѓорѓевиќ е ангажиран како виш експерт за комуникација и видливост во рамките на проектот Техничка поддршка за подобрување на овозможувачката средина за граѓанските организации. Неговата задача е да обезбеди одржлива и континуирана видливост на активностите на Проектот и видливост на Европската Унија, како и поддршка при организацијата на настани што се одвиваат во рамките на проектот. Тој е исто така ангажиран во поддршка на Советот за соработка со граѓанското општество, со цел обезбедување подобри стратегии за информирање и зголемување на неговата видливост кај заедницата на граѓанското општество во Северна Македонија. Понатаму, неговите задачи вклучуваат обезбедување обуки за надворешна комуникација на Советот, како и унапредување на нивните техники за медиумско појавување и подобрување на комуникацијата со пошироката јавност, со цел работата на Советот да допре до поширока публика.
Ѓорѓевиќ е искусен комуникатор со дваесетгодишна кариера како советник за медиуми и информации во Делегацијата на Европската Унија во Република Србија. Тој има искуство и во новинарството и медиумите, работејќи за повеќе српски и меѓународни медиуми како новинар, телевизиски продуцент и оперативен директор на српска новинска агенција.
djordjevic@cpmconsulting.eu